【反黑路人甲】朱敏瀚入行10年有肌有运行：成日演细佬都几唔忿气

28岁慨朱敏瀚（Brian）近年因狂操肌而终于摆脱「万年细佬」慨印象，接连三剧播出（《机场特警》、《迷网》、《反黑路人甲》）令入行10年慨渠终于被认识。他接受《香港01》访问时，坦言最开心系可以透过几个角色予观众不同的感觉，并感谢《反黑》监制林志华：「系渠要求我要有改变，唔想再咁细佬，自己无辜负渠慨期望，所以都值得开心。

与TVB签长约：从来冇谂过要走！

朱敏瀚17岁便报读艺员训练班，他表示当初曾向家人承诺给自己3年时间追梦。「我拍完《点解阿Sir系阿Sir》后，公司同我签份约都唔只三年，所以一直做落去。从来都冇谂过要走，因为真系钟意做戏，所以当初公司想《都市闲情》年轻化而调我入去做主持时，系好唔开心，虽然嗰段时间系搵得最多。」

由于一心想拍剧，所以朱敏瀚当初收到通知要主持《都市闲情》，他与监制第一次见面已表示自己唔会做得好耐，绝对系胆色过人。「不过都好多谢《都市闲情》监制同大王（安德尊），虽然知我唔想主持，但都教我好多嘢。其实而家谂返，如果当初有拍剧机会，自己都未必掌握得好好。 何谓搵得多？朱敏瀚表示主持《都市闲情》时，一个月平均已有12至15骚，如果再拍埋剧的话，爆骚毫无难度。「而家拍剧的话，20集拎尽可能都系40骚，但讲紧系3个多月慨时间。收入少一半，但过程开心。同埋剧集多人睇，有机会带嚟outside-job机会嘛。」朱敏瀚又谓多年来，从来都不是以钱为首，否则应该已经生存唔到。「最近自己有多余钱都会投资返自己身上，好似新剧要讲韩文我就去学，之后《拳王》有八成时间都系除衫，为咗突破上一个level，我搵关曜俊（Leo）师傅教我，呢啲都系要钱，希望之后会有回报。

摆脱「万年细佬」形象誓要操肌

主持《都市闲情》两年，朱敏瀚为拍剧向监制请辞，奈何又遇上「细佬」角色，令他下定决心操肌改变形象。「嗰下系几唔忿气，唯有系咁做gym。好在拍《机场特警》时关曜俊渠本身系健身教练，可以帮我有效地操肌。我当时系一星期操5日，当中包括做一个钟头多啲既重力训练，另外Cardio就要做足7日，每次45分钟。除咗做gym，仲要戒口，净食鸡肉、番薯同菜，一直keep住咁样，大概直至拍完除衫戏份，维持咗3个月左右。」为了拥有钢条身形，朱敏瀚确系付出不少。 经济方面，朱敏瀚笑言自己尚算「生活到」，亦未曾出现「揿唔到钱」慨情况：「应该系话好在屋企虽然唔系有钱，但都唔系等我开饭，自己平时悭啲使，加上我唔会买奢侈品，净系钟意踢波，所以无咩太大花费。之前主持《都市闲情》时搵最多，就俾咗妈咪一大旧钱。」朱敏瀚入行多年，就算再穷都从未向屋企人拎钱。「妈妈有时担心就会塞张八达通俾我，其实自己都觉系任性，咁大个仲要渠担心。」