香港小姐2020｜谢嘉怡深夜返酒店嗌肚饿：希望Daddy买定嘢畀我食

香港小姐竞选已经圆满落幕，由苏格兰返港参赛嘅谢嘉怡（Lisa），勇夺最上镜小姐兼成为今届冠军。赛后完成工作后，佢换返便服返回将军澳下塌酒店，家人及亲友一早準备香槟同佢庆祝 赛后Lisa接受《香港01》访问时难掩兴奋心情：「当宣布我攞奖嘅时候，我唔知做乜，好似发紧梦想行落台，都唔知行去边。其实我真係冇谂过自己会赢，因为自己讲广东话好差。（选完最想食乜？）好想食叉烧饭，好希望Daddy一阵买定啲嘢返嚟畀我食，因为而家好肚饿，个肚打晒鼓。 谢爸爸相当知囡囡心意，除咗送上鲜花及香槟，早已準备排骨饭俾Lisa开怀大吃。同届落选港姐源菲然都喺房等LISA，接受访问时佢地先透露源菲然塬来係谢嘉怡表妹﹗﹗佢地话：「佳丽全部都知我哋係表姐妹，佢之前扭亲脚都好担心，我哋都有一齐练舞。