【开工大吉77】罗家英爆无向汪明荃示过爱：点知渠钟意我咩唧！

罗家英苑琼丹曾合作多套作品，戏内戏外都系好朋友，日前家英哥现身苑仔主持慨《开工大吉77》访问，提到本身来自粤剧世家，爸爸从小教导要传承粤剧文化，自此肩负重任：「爸爸话渠养大仔女，全靠华光师傅赐啖饭比我地食，爸爸仲话做戏唔系低下阶层，系社会一份子，所以要求我将戏曲同粤剧传颂落去，做人不能忘本！我由73年开始已经为粤剧宣传，不时要去为新一代上堂。

访问期间，苑仔追问罗家英与汪明荃拍拖逸事，家英哥笑指招架不住：「同苑仔系好朋友，访问一开始我都话咗『唔好讲感情慨嘢啊』，但渠问到亚姐慨嘢，特登啄住嚟问！不过真系好耐冇见，所以好多嘢都要讲慨。」苑仔问何以家英哥能吸引到亚姐，可惜被对方游花园：「我都唔系好明白，渠都冇同我讲，我点知渠钟意我咩唧！我对渠都唔算细心，又唔算好迁就渠，外界慨人以为渠恶过我都好正常，因为渠对工作好严紧、要求好高，谂住渠对罗家英都系咁，实情系…都差不多啦，我好难讲得出口，好难答！」

家英哥自言不浪漫，为给亚姐名份而结婚，笑指自己思想陈旧：「我地冇示过爱，第一次拖手系过马路，拖吓放手又拖吓咁，之后睇戏佢话好惊就拖住我，大概系咁啦。」 二人先后经历大病，过程中互相支持，撑起对方的心灵：「其实系亚姐病先慨，我记得有一次渠内地开会，突然打比我话要返香港睇医生，咁我咪去接渠啰，知道要做手术渠都惊惊地，全靠我喺旁边做大男人，『保护你，唔洗惊，有我系度！』，佢好感动啰。 由粤剧界跳进电影圈，第一次拍戏参演成龙作品，后来再被郑丹瑞相中改变一生：「当时佢话搵罗家英拍戏，咁桥谷德昭睇完又介绍我比周星驰识，就系咁做咗『达文西』呢个角色，同亚星撞出火花。同时我都拍紧《女人四十》，当时都系叫我做搞笑，但拍拍吓许