我们的音乐时代｜周慧敏与伍仲衡有默契：渠慨作品最令我毛管戙！

J2音乐节目《我们的音乐时代》周日（13/9）播出最后一集，主持许文轩（Edmond）邀请周慧敏（Vivian）和音乐人伍仲衡（Harry）成为压轴嘉宾，大谈相识到合作无间的关系。伍仲衡透露二人早在中学时期已经见过面，但彼此并不相识：「早在中学时期已为周慧敏钢琴伴奏《天荒爱未老》，可惜当时未有合照，好彩上天对我不薄，（后来）畀我识到Vivian。」 最终在2006年，亦即14年前，他俩才真正认识，当时周慧敏曾经打算为音乐会造势录新歌，但最终作罢，她解释：「本身2006年啱啱识Harry，我好多年冇做骚，谂住造只新歌，不过一定要最钟意，最啱心水先至会录，当时Harry的确写咗首歌畀我，经过一轮考虑，到我话畀佢知我要首歌时，首歌已经卖咗，最后首歌变咗杨千嬅慨《原来过得很快乐》，既然遇唔到一首自己好钟意慨歌就不如唔出，所以嗰次就冇新歌做骚。」 二人要到2011年才有机会在音乐上合作，谈到大家默契十足，周慧敏说：「我同Harry比较夹，准则都好相近，所以大家唔使坳。直到2011年开演唱会我哋先第一次合作，渠写咗首《无双谱》畀我，其实我对旋律好腌尖，但一听个Demo已经好钟意，好感动，渠慨作品最令我毛管戙，到渠再写《咖啡在等一个人》畀我，我亦一听就滴咗眼泪。」伍仲衡则指：「畀Vivi​​an听Demo，佢冇感觉嗰啲系唔会覆，即刻覆我嗰啲Demo，真系好钟意，《无双谱》佢唔够两分钟即刻回覆我Email。」