徐荣曾演路人甲九年：企喺主角后面演村民，真系做到灰

《反黑路人甲》徐荣饰演丧钟，外形到演绎方式完全切合一个奸人，演了22年戏，这个角色对他来说手到拿来；演戏不难，但演艺生涯不容易，徐荣入行后，当了9年路人甲、村民、冇名字的角色，他说：「企喺主角后面做村民，真系做到你灰，你会有好多点解问自己，质疑自己，慢慢你就反映喺你面口到。」

直至2007年徐荣终于等到一个机会，《同时三分亲》饰演裘俊，「珍姐(曾励珍)当时同我讲，有留意主角后面啲人做戏慨，睇咗你好耐喇，今次俾个机会你,俾心机啲。」没有发光的萤火虫，原来一直有人留意。

虽然等了九年，最青春的时间当了路人甲，但徐荣很感恩，「有啲同事做得耐过你慨，都系企自己隔离做紧村民，我唔敢话留低就最好，但如果你有兴趣，同自己讲唔好怨啦，做咗先，乜角色都好，俾心机。」由路人甲到裘俊、《爱‧回家》马强，再到《反黑路人甲》丧钟，戏份越来越重，徐荣绝对是大器晚成。

我不是闷蛋

徐荣给人印象是顾家好男人，外表平实，沉默寡言，绝对是好老公，但对于这行来说，可能给人感觉太闷，他想摆脱这个固定形象，他说：「顾家好男人一定系好慨，但我想讲，我唔闷喎，我好多嘢讲架，不过以前系新人，我知自己多嘢讲易罪人，所以就唔出声，而家做得耐喇，就讲多啲啰，正如马明一样，你哋以为佢唔出声，其实不知几多嘢讲，佢好鬼马架。」的确徐荣不是想像中那么闷，至少他40岁那年跟朋友在马来西亚，驾电单车玩了十天，换着第二个有家室的男人，连向老婆提出都不敢。

9年路人甲

性格影响命运，徐荣入行时因为怕得罪人所以少说话多做事，加上有没有绯闻，很典型的实干型，所以角色都很少有发挥机会，他亦自言做得灰心，「我返工慨时间同主角一样，但因为你演慨系企喺主角后面的村民，无嘢做,企喺到,时间好难过，年资比自己耐慨同事一样企你隔离，你点会唔灰呢?有段时间自己越做越hea，后尾都系自己挞返着自己，因为咁做落去唔系辧法，既然留得喺到就坚持啦。」做了9年路人甲，终在2007年等到一个机会《同事三分亲》。

离开处境剧是另一挑战

《同事三分亲》之后《毕打自己人》《天天天晴》《爱‧回家》连续四套处境剧，徐荣入哂屋，是事业一个高峰亦可能是樽颈，徐荣亦担心过，「完咗《爱‧回家》好想大家会有第二个角色俾观众睇到，开头大家都仲会有觉得马强慨影子，今次《反黑路人甲》入面慨丧钟，就冇人再讲，自己都好满意呢次演出，记得有次同个仔一齐睇，渠叫我做返丧钟其中一个反应，我话我真系做唔到，因为你跳出咗之后，好难即刻又入返去。」除了太太外，一仔一女亦见证着徐荣的演艺生涯，「我喺屋企读剧本，渠哋见到哂，大仔就已经无嘢惯咗，细女就仲会觉得daddy好奇怪。」两个小朋友看着爸爸练戏，想像到画面温馨过《爱‧回家》

老实情人

徐荣大部份演的角色跟他性格很相似，很少看到他演浪漫情人，他亦觉得自己不浪漫，问到他有没有送过花给太太，他望一望站在摄影机后的太太，「应该冇喇，咁嘥钱，新年嗰啲就有，佢话唔钟意慨，(写下纸仔或message凼下渠?)都冇呀，我哋试过有一年哥哥都大咗喇，咁我学下人两个浪漫下啦，食完一餐好浪漫慨晚饭，跟住点呢?下一餐又浪漫呀?哗，我两个都觉得搅唔掂，要有啲细路喺隔离热闹下先开心，不过你提一提我都好，有时讲啲嘢凼下渠，但...都系唔好，太反常，我惊渠以为我做错事，哈哈...」送花、甜言蜜语这些花招只是点缀，最重要是一家人亲密的感情，徐荣任何事都将太太及子女放在第一位，单是这个心思已胜过一千朵玫瑰，徐太一定满意。